حسب ما صرّح بيه مدير المرصد الوطني للتزويد والأسعار في وزارة التجارة وتنمية الصادرات، رمزي الطرابلسي، لوكالة تونس أفريقيا للأنباء ليوم الأربعاء انو اسوام حوايج عيد الفطر السنة هاذي للبنات تراوحت ما بين 138 دينار و 596 دينار، و ما بين 112 و 452 دينار للأولاد.
وأكّد الطرابلسي، اللي المرصد متعود كل عام يرصد تكلفة أسوام حوايج العيد ويجمع عيّنات من الأسوام في برشا محلات تجارية. وقال الي العيّنة اللي جمعتها مصالح المرصد المرة هذي شملت المحلات التجارية في ولاية تونس، مبيّنا أنها مقسومة على محلات شعبية ومحلات علامات تجارية تونسية، ومحلات علامات أجنبية.
وفي ما يخصّ تكلفة حوايج العيد حسب الجنس (بنات وولاد)، وحسب المحلات المتخصصة في بيع النوع هذا من الملابس، تمّ التركيز على ملابس الأولاد والبنات حتى سن 14 عام.
وكيما كل عام بعد ما يوفا رمضان وخاصة في الجمعة لخرى نلاحضو الي السنة فما حركة تجارية كبيرة تميّزت بإقبال التوانسة على شريان مستلزمات ملابس العيد و الحلو تحضير لعيد الفطر بعد شهر من الصيام.
وقال الطرابلسي في نفس السياق انو تكلفة حوايج العيد حسب الأسوام المعتمدة في المحلات التجارية للبنات حتى عمر 14 عام، تراوحت ما بين 138 و 262 دينار بالنسبة للمحلات الشعبية وما بين 130 و 204 دينار بالنسبة لمحلات العلامات المحلية وما بين 256 و 596 دينار لمحلات العلامات الأجنبية. وبالنسبة لمعدل أسعار كسوة العيد للأولاد حتى سن 14 عام، فقد تراوحت حسب المرصد ما بين 112 و 233 دينار بالنسبة للمحلات الشعبية وما بين 160 و 233 دينار للماركات المحلية وما بين 172 و 452 دينار لمحلات للماركات الأجنبية.
وأكّد المسؤول الي الإقبال على شريان حوايج العيد كان مكثّف في الجمعة الرابعة من شهر رمضان الجاري مع تسجيل حركة كبيرة من طرف المستهلك التونسي في مختلف الفضاءات التجارية ومختلف نقاط بيع حوايج العيد في ولايات إقليم تونس الكبرى، وخاصة خلال الفترة الليلية.