تونس تعلّق نشاط « Bolt »و تتهمتها بتبييض الأموال والتهرب الضريبي

قررت تونس ليوم 24 مارس 2025 انها توقف نشاط تطبيقات التاكسي الفردي على راسهم تطبيق “Bolt”، بعد ما اتهمت مالكو بتبييض الأموال والتهرب الضريبي.

القرار هذا جا بعد تحقيق معمق كشف مخالفات خطيرة.

السلطات التونسية تقول اللي “Bolt” كانت تستعمل طرق ملتوية باش تخبي مداخيلها وتتهرب من دفع الضرائب. وزيد على هذا، يشتبهوا اللي الشركة متورطة في عمليات تبييض أموال.

“القطب المالي للحرس الوطني اكتشف شبهات تبييض أموال وتهرب ضريبي عند اصحاب تطبيقات نقل المسافرين بسيارات التاكسي الخاصة”، حسب بلاغ من الحرس الوطني التابع لوزارة الداخلية.

البلاغ ما ذكرش أسماء الشركات، لكن مصدر قريب من الملف ذكر صراحة الشركة “Bolt”، اللي مقرها في إستونيا وموجودة في تونس وفي برشة بلدان اخرى، وعندها حوالي 4.5 مليون سيارة تاكسي شريكة.

قال نفس المصدر الي الشركات هذي تخدم من غير تراخيص قانونية، وتستخدم تصاريح مغلوطة، وزيد على هذا تستغل في حسابات بنكية غير مصرح بيها باش تحول مبالغ مالية كبيرة للخارج، في مخالفة صريحة للتراتيب الي لازم تصير بيها في القانون. وقالو زادة الي قاموا بحجز قريب 12 مليار بالحسابات البنكية التابعة ليها، هكا علاش خذاو قرار توقيف النشاط متاعها وشطبها من السجل الوطني للمؤسسات وغلق مقراتها الاجتماعية.