مافماش شك إنو نجمو نشطوا المخ بش نحسنو من الذاكرة والتركيز كي نمارسو بعض التمارين الصباحية البسيطة، حسب ما أكدت عدة دراسات علمية سابقا.
نفس الشي عاودت أكدتو دراسة جديدة وقدمت جملة نصائح نافعة باش نحسنو الأداء الإدراكي بشكل عام، وفق ما نقل موقع Economic Times، من بينها
1. تمارين بدنية بلمسة معرفية
نجمو نجمعو بين تمارين خفيفة كيما اليوغا وإلا التمدد والأنشطة العقلية، كيما العد التنازلي، خصوصا أنها تحسّن الحركة الجسدية الدورة الدموية، أما التحديات المعرفية تُعزز حدة الذهن وتنسيقه. 
2. القراءة بصوت عالي
كيما زادة القراءة بصوت عالي تنجم تؤثر على المسارات البصرية والسمعية، والي تحسّن الفهم والمفردات وحفظ الذاكرة.
طريقة هذي فعّالة باش تبدا نهارك بتركيز وتعليم وتنشيط الدماغ.
3. الحساب ذهنيًا
كما زادة تنجم تتحدى عقلك بحسابات ذهنية بسيطة،باش تحفز التفكير العددي و تقوّي الذاكرة قصيرة المدى، مع تحسين التركيز وقدرات حل المشاكل في الحياة اليومية.
4. تدوين اليوميات
تنجم زادة تدون اليوميات متاعك باش تنظّم أفكارك وتعزّز التأمل الذاتي وتحسّن الذاكرة. إنك تكتب الخطط والمهام وقائمة الامتنان متاعك كل صباح تُحسّن التركيز وتُهيئ عقلية مُثمرة طول النهار.
5. التدرب على التصور
تنجم زادة تمارس طريقة إغماض العينين والتدرب ذهنيًا على المهام أو استرجاع تفاصيل مُحددة وهذا يُقوي التصور والذاكرة ويُعزز التركيز ويبني الثقة اللازمة باش تحقق أهدافك بوضوح وعزيمة.
6. تعلم مهارات جديدة
انك تخصص بضع دقائق يوميًا باش تتعلم مهارة أو كلمة أو معلومة جديدة،فهذا يساهم في انك تُقوي الروابط العصبية وتُنمّي الفضول الإيجابي وتُحسّن قدرة الدماغ على الاحتفاظ بالمعلومات مع مرور الوقت.
7. حل الألغاز
ممارسة سودوكو أو الكلمات المتقاطعة أو ألغاز الصور المقطوعة تُحفّز زادة المخ وتُعزز التفكير المنطقي والذاكرة والانتباه.
8. التنفس الواعي أو التأمل
كيما زادة تنجم تركز على ممارسة التنفس البطيء والعميق لمدة 5-10 دقائق. تساعد الممارسة البسيطة هذي على تقليل التوتر وتعزيز الوضوح وتشحذ التركيز لأنها تهدئ العقل وتحسن الأداء الإدراكي العام.
من غير ما ننساو زادة الدراسات إلي حكات على الرياضة في حياة الأفراد وتأثيرها على صحة العقل والذهن والذاكرة.
المصدر: العربية
