Lalal.ai هو موقع يستعمل نماذج ذكاء اصطناعي باش يتلاعب بصوتكيقترح عليك خدمة جديدة اسمها « استنساخ الصوت » تقترح إنو تستنسخ صوتك الخاص من تسجيل صوتي.
الخدمة هذي تسمحلك تعلق بسهولة على فيديوهات، بواقعية واحترافية، ولا تحول النص لصوت تستحقو في أي استعمال آخر. الخدمة هذي تغري الموسيقيين، المنتجين، وحتى الDjs ؛وإلا أساتذة الموسيقى، وحتى مقدمي البودكاست.
Lalal.ai من الرواد في التعامل مع الصوت بالذكاء الاصطناعي 
Lalal.ai كان معروف قبل كل شيء بخدمة استخراج الصوت. المنصة تقترح من الأول خدمة استخراج عناصر صوتية من أي صيغة صوتية أو فيديو، بمجموع يوصل إلى عشرين مسار مستخرج من أي محتوى صوتي.
بكل بساطة، تنجم تستعمل الخدمة هذي باش تستخرج أصوات، وحتى المرافقات الموسيقية و عديد الآلات الموسيقية. هذا يسمحلك تصنع ريمكسات بسهولة، وإلا تبدل أو تفسخ المرافق الموسيقي لفيديو موجود.
هذا الكل من غير خسارة في الجودة.وزيد على هذا تقترح عليك الشركة تخلي الأصوات المسجلة أوضح و عندهم زادة وكيل متخصص في تفسيخ المؤثرات كيما الصدى والارتداد.
الذكاء الاصطناعي متاع الشركة متوفر سواء على موقع Lalal.ai على الإنترنت من أي PC متصل بالإنترنت، ولا من تطبيق موجود على Windows، Mac وLinux، وحتى على iPhone والAndroid.
Lalal.ai يسمحلك إنو تستنسخ صوتك الخاص
خدمة استنساخ الصوت هي خدمة جديدة، اقترحها الموقع عندو مدة قصيرة. بكل بساطة، هي تستنسخ صوتك الخاص باش تستعملو من بعد باش تحكي، تعلق والا تتفاعل في تسجيل تنجم تستعملو مبعد بالكيفية الي تحب عليها. الخدمة هذي الي مخصصة للمستخدمين الي عندهم أرصدة في الموقع، ساهلة برشة في الاستعمال.
باش تصنع نموذج لصوتك، يكفي تبعث تسجيلات صوتية وفيديووات واضحة ليك وانت تحكي. لازم تكون بجودة عالية وبصوت واضح وبأقل حس أو ارتداد.
Lalal.ai flexible برشة ويقبل أغلب الصيغ الصوتية والفيديوهات بصيغة mp4. الأفضل تبعث بين 10 و50 دقيقة من المحتوى وانت تحكي.
Lalal.ai يدعم عديد اللغات واللهجات، بما فيها الفرنسية. تنجم تبدل في لحظة نبرة صوتك متع نص معين.
الإمكانيات اكثر من هكا: تنجم تحول روحك لمغني ولا مغنية باستعمال خاصية تحسين الصوت الإبداعي، اللي تسمحلك تجرب، من بين حاجات أخرى، عديد الأنماط.
