مشادة كلامية بين زوز مسؤولين كبار في الحكومة المصرية تصورت فيديو وتعدّات في السوشيال ميديا، وهذا حط الحكومة في موقف محرج برشة.
وعلى خاطر الحكاية الغريبة هذي، قررت وزارة التنمية المحلية في مصر باش تقيل السكرتير العام متاع محافظة سوهاج، علاء عبد الجابر، بعد المشادة الكلامية اللي صارت قدام الناس مع نائب المحافظ محمد عبد الهادي.
فيديو المشادة الكلامية انتشر في سوشيال ميديا وقت إفتتاح جامع نهار الجمعة، الي خلّى الناس تطالب باتخاذ قرارات سريعة باش يتداركوا الوضع. 
وقال بلاغ خرج من وزارة التنمية المحلية، اللي الوزيرة منال عوض أصدرت قرار باش تقيل السكرتير العام متاع محافظة سوهاج « بناءا التحقيقات اللي عملتها الوزارة، بعد ما وصلتها مذكرة من المحافظ عبد الفتاح سراج.
وأكدت الوزيرة اللي « ما احترموش حرمة بيوت ربي والتواجد في ساحة الجامع بعد الافتتاح »، وشددت على « ضرورة اللي كل خدّامة أجهزة الإدارة المحلية في كل المحافظات يلتزموا بواجب الخدمة، وبقانون سلوك الخدمة واللوائح والتعليمات اللي منظمة الخدمة العامة وقت اللي يخدموا.
(وكالات أنباء)
