أحداث 9 أبريل 1938
شهدت تونس في النهار هذا مظاهرات حاشدة قادها الحزب الحر الدستوري الجديد للمطالبة بإصلاحات سياسية واجتماعية، من بين المظاهرات هذي وحدة خرجت من ساحة الحلفاوين بقيادة علي بلهوان والثانية من سوق الأغنام بقيادة المنجي سليم .
الا انو المظاهرات هذه قوبلت بالقمع من قبل سلطات الاحتلال الفرنسي، الي ادى لسقوط العديد من الشهداء والجرحى و اعتقال الزعيم الوطني علي البلهوان. 
التوانسة غضبوا وخرجوا يتظاهروا بأعداد كبيرة، المستعمر الفرنسي قمعهم واعتقل برشا ناس. وقتها، عدد اللي تشدوا وصل بين 2000 و 3000 واحد، وحاكموهم في محاكم عسكرية. وزيد سقطوا 22 شهيد و 150 واحد تجرحوا برصاص الاحتلال الفرنسي.
يوم 9 أفريل 1938 كان يوم مهم ياسر في تاريخ تونس كان بداية لمرحلة جديدة في النضال الوطني. التظاهرات هذي كانت عندها دور كبير في الإعداد للاستقلال اللي جانا في 20 مارس 1956، وبعدها إعلان الجمهورية في 25 جويلية 1957.
عيد الشهداء يمثل مرحلة مهمة في تاريخ تونس ونضال شعبها من أجل الحرية.
