بعد ChatGPT وMistral، توّة جاء دور Gemini، التطبيق المستند على الذكاء الاصطناعي متاع Google، باش يزيد خاصية « Canvas » ولي هي مساحة خدمة جديدة مخصصة باش تسهل خدمة المطورين والمبدعين.
بعد ما شافوا النجاح اللي حقّقوه OpenAI كي زادوا « Canvas » في ChatGPT، Google عملت نفس الشيء مع Gemini. الخاصية الجديدة، اللي سماوها ببساطة « Canvas »، تزادت للقائمة الطويلة من التحسينات اللي دخلتها Google على شات بوت ملي تم الإعلان على Gemini 2.0.
مساحة تعاون على اللإبداع 
فعليا، « Canvas » تمثل مكان تفاعلي وين نجمو نعملو مسودة نجربو فيها بسرعة بفضل الذكاء الاصطناعي، وبعدها نحسنوا في النص يالشوية بالبشوية. المستخدم ينجم يحدّد جزء معيّن من النص ويطلب من Gemini يحسنلو النبرة، الطول، والا حتى التنسيق. مثلاً، يكفي إنّك تحددلو فقرة باش تتحصل على نسخة مختصرة ولا أكثر رسمية.
النظام هذا يذكّرنا بنظام ChatGPT Canvas، اللي عجب الكتاب لسهولة استعمالو والأدوات متاعوالخاصة بمراجعة النص.
أما Google مشّت لبعيد، وزادت « Canvas » مباشرة في مجموعة الأدوات المكتبية متاعها: كليك وحدة تكفي انك تنقل النتيجة النهائية لـGoogle Docs. الfonctionnalité الجديدة هذي عجبت الفرق اللي تخدم على الprojet واحد.
من ناحية البرمجة، « Canvas » موجه خصيصاً للمطورين الويب والفرونت-إند. الfonctionnalité هذي ما تمكنكش باش تخرج كود HTML ولا React كهو، اما زادة تخليك تشوف النتيجة مباشرة في نافذة مخصصة لهذا. هكا تولّي تنجم تعمل تغييرات في الوقت الحالي من غير ما تبدل ديما بين المحرر والمتصفح.
المعاينة الفورية هاذي تبان مفيدة برشة للمطورين اللي يحبّوا يجربوا النماذج الأولية بسرعة ولا يتأكّدوا من الشكل النهائي لاستمارة والا مكوّن تفاعلي.
