أطلقت Perplexity أول حملة إعلانية ليها، واستغلت الفرصة باش تهاجم Google ومساعدها Gemini بشكل صريح.
أكيد تتفكروا الغلطة اللي عملتها Google العام اللي فات وقتلي اقترح ذكاءها الاصطناعي Gemini على مستخدم باش يحط الcolle على البيتزا متاعو باش يلصق الFromage. الغلطة هاذي ما تعداتش هكاك، وسخر منها محرك البحث الذكي Perplexity في ال Publicité متاعو.
في Pub اللي نشرتها Perplexity، معندهاش برشة ضهر فيها نجم سلسلة Squid Game, Lee Jung Jae يلقى روحه محصور في غرفة ولازم يجاوب على برشة اسئلة باش ينجّم يخرج. من بين الأسئلة: « كيفاش تخلي الجبنة تلصق على البيتزا؟ ». 
الممثل توجه أولاً إلى « Poogle »، في إشارة واضحة إلى Google، قبل ما يطلب المساعدة من Perplexity باش يتحصل على إجابة صحيحة : « استعمل Fromage الموزاريلا فرشكة و ماهيش humide. ما استعملش الcolle. »
الواضح أنو الPub هذي الهدف منها الاستفادة من أغلاط Google وتسليط الضوء على نقص الدقة في ذكائها الاصطناعي Gemini، اللي يتهموه ساعات بتجميع المعلومات من الويب من غير ما تصفية.
توا، يبقى السؤال المطروح هل السخرية هاذي باش تتعدى من غير ما يجاوب عليها العملاق الأمريكي وإلا باش ترد الشركة ؟ خاصة إنو هي في العادة تتقبل النوع هذا من التحديات بروح رياضية.
في الواقع، Google سخرت زادة من Apple ومن جهازها iPhone 15 في Publicité فكاهية اللي ضحكت برشا الناس.
