اليوم الإربعاء 23 أفريل 2025، ولاية إسطنبول قالت إلي 151 واحد اتجرحوا خاطر نقزو من الديار من كثرة الخوف من الزلزال إلي ضرب المنطقة.
وكالة إدارة الطوارئ التركية أعلنت إلي زلزال بقوة 6.2 درجة هزّ إسطنبول اليوم، وجاو وراه هزات ارتدادية، وحدة منهم كانت بقوة 5.3 درجة.
مركز الزلزال الي موجود في بحر مرمرة، قبالة إسطنبول. وما وردتش تقارير تقول الي فما أضرار ولا إصابات. 
الهيئة قالت إلي أول هزة كانت بقوة 3.9 درجات، مركزها في بحر مرمرة قبالة سيليفري، تابعة لإسطنبول، على عمق 6.99 كيلومتر تحت الأرض. وقتلي السكان في المناطق المجاورة حسّوا بالهزة الأولى، جات بعدها هزة اخرى بقوة 6.2 درجة قبالة سيليفري، على عمق 6.92 كيلومتر، والهزات الارتدادية مازالت متواصلة، آخر وحدة كانت بقوة 4.9.
الهيئة حذّرت الناس ما يقربوش للعمارات إلي ماهيش آمنة ولا يدخلوا فيهم بعد الزلزال.
الرئيس التركي رجب طيب أردوغان قال: « قاعدين نتبّعوا الأخبار متاع الزلزال مع فرقنا. »
وزير الداخلية علي يرليكايا أكّد إلي فرق AFAD والجهات المعنية بداو بالفعل يخدموا على المسح الميداني.
وزير النقل والبنية التحتية عبد القادر أورال أوغلو قال إنهم ما لقاوش أي ضرر في المطارات، القطارات، المترو، ولا في الطرق السريعة.
على منصة « إكس »، الناس نشرت فيديوهات توري لحظة الزلزال، وكيفاش السكان كانوا في حالة هلع وهربوا للشوارع.
المصدر: روسيا اليوم
