صارت حادثة مأساوية في قطر، في رابع أيام العيد، وين طاحت شابة تونسية في العشرينات من عمرها من الطابق الرابع في عمارة كانت ساكنة فيها.
أخت الضحية حكت في مداخلة هاتفية لبرنامج ‘صباح الناس’ على تفاصيل الحادثة المؤلمة، وأكدت إنو الناس اللي يخدموا في العمارة قالولهم إنو فريق طبي عملولها انعاش في سيارة الإسعاف بعد ما قلبها وقف، لكن ما نجموش يتحصلوا على أي تفاصيل أخرى على حالتها الصحية.
وزادت قالت إنو أختها تخدم في قطاع السياحة، ونجحت برشا في خدمتها وقرايتها، وكانت من المتفوقين في دراستها. 
أخت المتضررة قالت إنو أختها، اللي عمرها 24 سنة، تكرمت قبل من الوزير على مجهوداتها في مجال العمل السياحي.
وأشارت إنو الخبر اللي وصلهم يقول إنها طاحت من الطابق الرابع، من علو 12 متر، لكن العائلة ما وصلتهمش أي تفاصيل أخرى ولا حتى خبر من أي مسؤول لحد الآن.
في ظل الظروف هذه، الأخت عملت نداء استغاثة للمسؤولين باش يتدخلوا في أقرب وقت ويكشفوا على حالة أختها ويعطيوهم تفاصيل على اللي صار وحالتها الصحية، وعبرت على قلقها بسبب الغموض وعدم تلقي العائلة أي مساعدة أو معلومات رسمية لحد اللحظة.
