Google messages قاعدة تخدم على خاصية تسمحلك تفسخ ميساجاتك من أي conversation. باش تتفادى بعض المواقف المحرجة.
مع بخلاف ال RCS، Google messages زادت وظائف جديدة كيما استقبال أحسن للmessages وإرسال أسهل للتصاور. و باش تزيد زادة خاصية أخرى معروفة عند مستخدمن متع واتساب وإلي هي إمكانية انك تفسخ message من conversation كل المستخدمين.
معادش تندم على message بعثتو 
فريق أندرويد أوتوريتي اكتشف الخاصية هذي في نسخة بيتا من Google messages. الخاصية هذي تسمحلك كيما في واتساب انك تختار الmessage اللي تحب تفسخو وتظهرلك fenêtre تسألك إذا تحب « تفسخو من عندك كهو » والا « تفسخو من عند الناس الكل ».
الخاصية هذي عندها حد زمني. المستعملين عندهم 15 دقيقة باش يفسخوا الميساجات من محادثة للمرسل والمستقبل. بعد المدة هذي، ما تنجم تفسح حتى ميساج كان من محادثتك الخاصة. حد زمني معقول يخليك تتفادى مواقف كيما هكا وتصلح ميساج قبل ما يتقرا.
في الوقت الحالي، الخاصية هذي موجودة كان في نسخة المطورين من Google messages. المستخدمين لخرين لازمهم يصبروا شوية قبل ما توصلهم.
