في مدينة المزونة التابعة لولاية سيدي بوزيد، اليوم الخميس 17 أفريل 2025، القراية في المدارس الكل، سواء ابتدائي ولا إعدادي ولا ثانوي، مازالت متوقفة. هذا الكلام أكده سامي خصخوصي، كاتب عام مساعد في نقابة التعليم الثانوي والتربية البدنية في المزونة لاذاعة موزاييك .
أكد سامي زادة اللي أساتذة الإعدادي والثانوي ومعلمي الابتدائي حاضرين في بلايص خدمتهم، أما التلامذة الكل غايبين وما مشاوش يقراو.
وزاد قال الخصوصي اللي الصباح في المزونة ما فماش حركة كبيرة، حتى السوق الأسبوعية ما صارتش، وأغلب الحوانت والقهواي مسكرين، كان مخبزة وشوية حوانت يبيعوا في الخضرة والمواد الغذائية محلولين. 
وقال زادة اللي الطرقات مازالت مسكرة كيف ما كانت، فيها بقايا متاع عجلات محروقة وحجر وحواجز حديدية وإسمنتية،جراء الاحتجاجات اللي صارت البارح في المدينة بسبب حادثة انهيار حيط معهد المزونة، واللي ماتوا فيها ثلاثة تلامذة وتجرحوا زوز آخرين جروحهم متفاوتة الخطورة.
