في ولاية الكاف، ليلة البارح الأحد، صبّت شتا قوية بالرعد والبرق لين غرقت الدنيا، تسببت في خسائر كبيرة في زراعات القمح والشعير في الجنوب نتاع الولاية الي اثبتتها تصاور وفيديوهات نشروهم المواطنين على مواقع التواصل الاجتماعي تبين الحالة اللي وصلت ليها الأرض.
فلاّحة من منطقة تاجروين أكدوا اللي الشتا اللي صبت بالتبروري قضت على كل شيء مزروع في منطقة قرن الحلفاية في وقت قصير. قالوا اللي الزرع كان لاباس عليه قبل الشتا، وفجأة كل شيء تضرّر .
وزادة، مناطق أخرى في الولاية صبت فيها شتا ومعاها زادة « التبروري »، خاصة في ساقية سيدي يوسف اللي على الحدود. أما غادي، قالوا اللي الأضرار كانت خفيفة. 
والظاهر اللي المسؤولين على الفلاحة غادي باش يعملوا دورة يشوفوا البلايص اللي تضررت الكل ويحددو حجم الأضرار.
