اسم جديد تزاد للقائمة متاع الأندية الممنوعة من الانتداب بسبب نزاعات مرفوعة ضدها من طرف لاعبين أو مدربين سابقين أو وكلاء لاعبين. وهو اتحاد بن ڨردان. العقوبة تسلطت عليهم اليوم، الاثنين 21 أفريل 2025، وما ينجموش ينتدبوا ملاعبية جدد لين يخلصوا مستحقات وخطايا تأخير متعلقة بقضية رفعها اللاعب النيجيري بالفريق، إدريس كابيرو.
هاذي هي القائمة الكاملة للفرق التونسية الممنوعة من الانتدابات وعدد القضايا اللي عندهم:
- النجم الساحلي (عنده قضية وحدة)
- الاتحاد المنستيري (عنده قضية وحدة)
- النادي البنزرتي (عنده قضية وحدة)
- النادي الإفريقي (عنده قضية وحدة)
- الملعب التونسي (عنده قضية وحدة)
- اتحاد بن ڨردان (عنده قضية وحدة)
- مستقبل سليمان (عنده قضية وحدة)
- اتحاد تطاوين (عنده قضية وحدة)
- نجم المتلوي (عنده قضية وحدة)
- قوافل ڨفصة (عندهم ثلاثة قضايا)
- هلال الشابة (عندهم ثلاثة قضايا)
