أوراكل قريب تعلن على اتفاقية باش تخليها تكون الضامن لأمن السوشيال ميديا في أمريكا.
في جانفي اللي فات، تيك توك نجات بصعوبة من الحظر الكامل وقتلي الرئيس ترامب عطا للمنصة مهلة 75 يوم، وكان عنده مشروع غريب شويةالي هو يحوّل الشبكة لمشروع أمريكي مشترك، والحكومة تكون عندها 50٪ من الأسهم. وكان فما خطط باش يشريو تيك توك، وكان فما أربعة عروض جادة قيد الدراسة. 
Microsoft وأوراكل كانوا في البداية في مفاوضات وتوا يظهرلي الأمور متجهة توا لصالح الشركة الرائدة في نظم إدارة قواعد البيانات.
اتفاق قريب مع أوراكل؟
5 أفريل قرب والمستقبل متاع تيك توك في أمريكا باقي غامض. أما يبدو اللي ثمّة بصيص أمل في آخر النفق: حسب ما قالت Bloomberg، كانت فما مناقشات كبيرة صارت الأسبوع اللي فات. الهدف منها وضع خطة تضمن إن النسخة الأمريكية المحدثة من تيك توك ما فيهاش ثغرة تستغلّها الحكومة الصينية. ويظهرلي شركة أوراكل داخلة في المعادلة.
كيما هو معروف، الحكومة تحب بكل ثمن تمنع ByteDance، الشركة الصينية اللي ورا تيك توك، من انهم يوصلوا لبيانات المستخدمين الأمريكيين. وعندها برشة وهي تضغط على المنصة باش تأمّن المعلومات هذي.
وإذا نجمت أوراكل تكون الضامن باش ما يصيرش تسريب للمعلومات للصين تتحصل في المقابل على حصةمن تيك توك في الفرع الأمريكي .
حل قديم موش جديد
الموضوع ينجم يتحل قريب: كيما قال J.D. Vance في NBC News، « باش يكون أكيد اتفاق رفيع المستوى يتجاوب مع مخاوفنا في مجال الأمن القومي. » وفي الوقت اللي التفاوضات ماشية، قال مصدر لـBloomberg إنو الاتفاق من جانب الصين ينجم يتوافق عليه بشرط إلي « خوارزمية تيك توك تبقى تحت السيطرة الكاملة لـByteDance. »
لكن، مازال ثمة شكوك حول فاعلية الحل هذا: نتفكرو فشل مشروع Texas في 2022. وقتها، حاولت تيك توك تطمّن أمريكا بتخزين بيانات المستخدمين الأمريكيين عند أوراكل. وقتلي فما زادة بعض الموظفين الصينيين إلي تمكنوا من الوصول للمعلومات. وفي ديسمبر اللي فات، القضاء الأمريكي صرّح إنو تيك توك « ما نجمتش تجاوب بطريقة مرضية على مخاوف الحكومة » وإنو « الإجراءات التخفيفية، بخلاف البيع مش كافية.
